Bøying av inkjekjønnsord som auga/auge
Det er lite valfridom i bøyinga av substantiv innanfor hovudformsystemet. Men nokre inkjekjønnsord for kroppsdelar/organ har to jamstelte bøyingsmåtar. Gjennomfør éin for kvart ord og helst den same i alle. Det gjeld orda auga, hjarta og øyra.
Døme:
auga–auga–augo–augo eller
auge–auget–auge–auga
Merknad
I samansetning heiter det i begge tilfelle auge-, øyre- og hjarte- med -e-, t.d. øyredøyvande og hjarteproblem. Når det gjeld auga, er det dessutan oftast valfritt om ein vil bruka auge- eller den meir tradisjonelle forma augne-.