Språkdagen 2021 i opptak

Du kan òg få ei rask innføring i språklova ved jurist Sofie Høgestøl, oppleve verdas første språkpolitiske kvarter, få rapport om rikets tilstand ved språkdirektøren og høyre oppmodinga til kultur- og likestillingsministeren.

Debattane

Den nye språklova, som tok til å gjelde ved årsskiftet, gir rettar til språkbrukarane i Noreg og plikter til det offentlege. Kunnskapssektoren har eit stort ansvar for det norske språket. Språkvala verksemdene i sektoren gjer, får ringverknader for heile samfunnet.

• Kva treng verksemdene i kunnskapssektoren for å kunne oppfylle krava som lova stiller?
• Kva treng skulen for å kunne gje nynorskelevar like god undervising og dei same digitale moglegheitene som bokmålselevar får?
• Kva rammer trengst for å sikre det norske fagspråket i akademia når forskingsmiljøa er internasjonale?

Espen Aas frå Dagsnytt 18 stilte spørsmål og kravde svar frå politikaren, læraren, skuleeigaren og skuleforskaren i debatten om nynorsk i skulen og frå professoren, Kunnskapsdepartementet, Forskingsrådet og Universitets- og høgskolerådet i debatten om norsk fagspråk.

TV-sendinga på YouTube

Arrangementet Språkdagen 2021 blei sendt direkte frå Det Norske Teatret i Oslo 9. november. Sendinga kan du sjå på YouTube. Sendinga er teksta og tolka til teiknspråk. Innslaga er òg lagde ut kvar for seg.