Historia bak: Ord med makt
Aristokrati, demokrati og teokrati er mektige og nyttige ord. Dei kan vi takke grekarane for.
Det gammalgreske substantivet kratos tydde mellom anna ‘makt, styrke’. Avleiinga ‑kratia, til bruk i samansetjing, tydde ’styre’. Vi har såleis ei rekkje samansetjingar med -krati som viser til styreformer. Fleire av orda skriv seg frå antikken (som aristokrati, demokrati og teokrati), medan andre er laga i nyare tid i engelsk (meritokrati og teknokrati) eller fransk (byråkrati).
Her er nokre av dei mest omtalte kratia i verda:
| Forstaving | Vanleg tyding | |
|---|---|---|
| aristokrati | aristos ‘best’ (gresk) | adel |
| autokrati | autos ‘sjølv’ (gresk) | einevelde |
| byråkrati | bureau ‘kontor’ (fransk) | administrasjonsapparat |
| demokrati | demos ‘folk’ (gresk) | folkestyre |
| meritokrati | meritum ‘noko fortent’ (latin) | elitestyre |
| plutokrati | plutos ‘rikdom’ (gresk) | rikmannsstyre |
| stratokrati | stratos ‘-hær’ (gresk) | militærstyre |
| teknokrati | tekhne ‘kunst, middel’ (gresk) | teknikarstyre, ekspertvelde |
| teokrati | theos ‘gud’ (gresk) | prestestyre |
Del denne siden
