Mastergradsstipend: språk i media og kultursektoren (2020)
Språkrådet skal hausten 2020 dele ut stipend til studentar som skriv masteroppgåve om språk i media eller om språk i kultursektoren. Alle studentar som arbeider med relevante problemstillingar, kan søkje.
Stipendet rettar seg i hovudsak til studentar som undersøkjer skriftspråkleg praksis, og Språkrådet er særleg interessert i oppgåver som ser på
- bruken av engelsk og norsk i media/kultursektoren
- nynorsk i media/kultursektoren
- språk i digitale mediekanalar
Søknaden må innehalde:
- ei skisse som gjer greie for problemstilling, metode og for kor langt ein er komen i arbeidet (éi side)
- ei fråsegn frå rettleiaren (om lag éi side)
- ei utdjuping av problemstillinga og metoden (maksimum tre sider)
Stipendet er på 25 000 kroner.
Søknadsfristen er 1. oktober 2020. Merk søknaden «Språk og media», og send han på e-post til post@sprakradet.no.
Kontakt: Har du spørsmål til utlysinga eller ønskjer å diskutere temaet for oppgåva, må du gjerne ta kontakt på post@sprakradet.no. Merk også denne e-posten med «Språk i media».