Aprilsnarr og maikatt
Mange har det moro med å narre april, altså å narre folk den fyrste dagen i april.
Det heiter aprilsnarr (jf. dansk aprilsnar) både om den som bit på, og om sjølve pretta, men det siste kan òg heite aprilspøk (jf. svensk aprilskämt). Det å bite på kan heite å gå eller laupe april. Til ein som bit på, seier ein «April, april!» eller «Aprilsnarr!». I dialektane har det òg funnest faste nemningar som Aprilmøy og aprilla milla.
Du kan lese meir om skikken i Store norske leksikon eller under April Fool’s Day på britannica.com.
Somme stader har det vore skikk å narre folk på liknande vis 1. mai. Då heiter spøken og den som blir narra, maikatt. Maigås er eit anna ord for det same.
Del denne siden
