Kåring av dei beste europeiske masteroppgåvene

EFNIL ønskjer å fremje forsking på språkbruk, språkpolitikk og fleirspråklegheit, og vil at viktige forskingsresultat skal nå eit større publikum. Denne konkurransen skal motivere unge forskarar til å engasjere seg i forsking og formidling på området.

Dei tre studentane som sender inn dei tre beste oppgåvene, mottar EFNILs masteroppgåvepris (1 500 euro) og får høve til å presentere masteroppgåva på årskonferansen til EFNIL (alle utgifter blir dekte). Vinnarane kan få publisert kvar sin artikkel basert på masteroppgåva saman med dei andre artiklane frå årskonferansen. I tillegg får dei sjansen til å publisere heile masteroppgåva på nettsida til EFNIL: www.efnil.org.

Frist for innsending er 15. januar 2024.

• Les meir om invitasjonen.
• Les invitasjonen på nettsidene til medlemsinstitusjonane.
• Sjå lista over tidlegare vinnarar, og les oppgåvene, artiklane og presentasjonane deira.